失戀解藥💊

失戀嘅傷心同痛苦，大家嘅感愛都可能係差不多。
我唔知你嘅傷心同佢嘅傷心係唔係一樣感覺，有無一部儀器可以度到？

令你無咁辛苦嘅一個想法：
你先當你無同佢分手。
不單止無分手，你仲可以同佢白頭到老。
你哋兩個甜蜜相處咗十年，一齊跨過「七年之癢」。
你地兩個甜蜜相處咗廿年，一齊勝過楊過同小龍女。
你地兩個甜蜜相處咗三十年，一齊體驗過生老病死同甜酸苦辣。
你地兩個甜蜜相處咗四十年，一齊睇住子女長大而家可以輕鬆享福。
你地兩個甜蜜相處咗五十年，一齊相愛逾半載，無任何嘢再可以分開你倆。
但無柰人都係會死，五十年感情令你日夜懷念過去嗰五十年。
每日都想佢復活重新，又或者每日都想日子快啲過去，快啲可以再一齊。
咁樣似乎仲辛苦過你同佢而家分手，對嗎？

咁你咪就當佢琴日死咗囉。
無錯，你就係同佢「白頭到老」咗咁短嘅時間。
無論如何到最後最後最後都係要分開。
相處時間越長回憶越多心越痛。
你而家回過神嚟，發覺佢仲健在，你至少仲可以見到或者聽到佢。
好過佢死咗丫，係咪？
咁樣幻想會唔會令你感覺好啲呢？

我哋無嘢帶住嚟到呢個世界，走時亦無嘢可以帶走。
你倆本來就毫不相干，相處過已經係難得。
過去已成過去，諗少啲「回到過去」同「回到以前」吧。
久不久拎返呢段緣份嚟回味下算囉，為何要為難自己？