佛道兩家都博大精深。 早早道出只有無常同變化係歷久不衰、永遠恆存。 過去數十年好矜貴好賺錢嘅學識，例如翻譯、醫生、律師同飛機司。 一個科技大浪打過嚟，看似無堅不摧嘅，都係會被時間沖走、甚至係一個大逆轉。 既然無任何人事物係永恆、倒不如看開一點，放開執著。

諗真啲⋯⋯其實係自己身體😅 唯獨自己身體係比較可以控制。 即使係自己身體，都唔係每時每刻自制到。 原來喺呢個世界上，我可以控制嘅其實唔多，亦係一種無奈。 所有嘢都會變，無論係感情定蘋果。 所以最重要都係自己身體。

1 Jan 2024 教會我「觀察慾望」。 認識自己的「必要需求」，何時為越過界限。 怎樣才是「適可而止」。 取「中庸之道」是最難但滿足感是最大的。

人生最無奈嘅莫過於做咗十幾年亞視 終於有日入到去做無線 但可惜嘅係無線已經變成亞視

喺香港聽慣咗「不准餵鴿」，嚟到英國可以隨便同啲鴿玩原來係幾開心嘅事嚟。 同動物互動，根本係大自然嘅一部分。 「不准餵鴿」有佢嘅理據但亦剝削人嘅天性同娛樂。 「帶菌㗎！」到底係政府無盡責確保鴿健康嘅藉口還是一昧歸咎於市民就算？

6Jan2024 用上需要五、六年時間才學懂皮毛的法律去管理我們，對大部分的普羅大眾合理嗎？ 可以用錢買更好的辯護能力還算公平嗎？ 3Jun2023 風平浪靜時保持公正 大風大浪時保護權貴

Radis HP-NHR11KApple話要環保所以唔再連earphone或charger，可笑。一切都係利益。 你一行code，invalid一個vendor就幾百上千件product變廢物。 今日搵返隻Radis [https://www.radius.co.jp/en_product/support-hi-res-audio-basic-model/] 嚟聽，聽咗唔夠十分鐘就突然無聲。 唔係壞咗，而係Radis呢個牌子已經完結。 其實隻earphone無壞，只係俾Apple列入非支援嘅配件。 環保？無交會費就唔同你講環保囉。

佛教喺二千年已經完整地直面剖析苦 [https://zh.wikipedia.org/wiki/%E8%8B%A6_(%E4%BD%9B%E6%95%99)] 係乜嘢一回事。 從來大家都無奈地避唔開苦。 真心感謝佛教教授應該點去面對苦，至少俾我知道，曾經有人有同一感受。 從苦係必經之路呢個角度諗起「神愛世人」其實幾諷刺。 希望下世去嘅另一個世界唔會有呢個一個設定。 更好嘅世界，存在吧？

無論幾重大嘅錯誤，假以時日都會被遺忘。 好處當然係錯誤可以被原諒。 但壞處就係極大嘅錯誤，因為經歷過長時間後都無解決辦法或避免方案。 最後都依然重複出現，循環不息。 呢種「輪迴」好可怕。 戰爭同極權就係例子。 經過幾千年人類歷史，似乎人性都依然無被提升過。 以「我只是聽令行事」去作惡嘅人，依然佔人類一大部份。

蠢係罪惡其中一個來源。 蠢本身都係罪惡，蠢更可能引來殺身之禍。 「蠢到死」原來係真，有人真係蠢到打錯針而死。 我唔醒唔聰明，咁點算？蠢成點先係問題？ 蠢到是非不分，黑白倒轉時就係問題。 我好記得當我首次話：「吓？佢都貪污㗎！」。 得到嘅答覆係「係咁㗎啦、度度都有㗎啦，係貪多定少㗎姐」。 嗰種無奈我仲係好記得。

A great Ted Talk given by Margaret Heffernan https://www.ted.com/talks/margaret_heffernan_the_dangers_of_willful_blindness 我哋到底一日內不自覺地做咗幾多次刻意無視呢？ 視而不見所累積嘅問題已經唔少。 仲要加埋知而不行嘅刻意無視。 真係問題天天都多🤯 例子？ 學童欺凌 貪污受賄 冤案冤獄

失戀嘅傷心同痛苦，大家嘅感愛都可能係差不多。 我唔知你嘅傷心同佢嘅傷心係唔係一樣感覺，有無一部儀器可以度到？ 令你無咁辛苦嘅一個想法： 你先當你無同佢分手。 不單止無分手，你仲可以同佢白頭到老。 你哋兩個甜蜜相處咗十年，一齊跨過「七年之癢」。 你地兩個甜蜜相處咗廿年，一齊勝過楊過同小龍女。 你地兩個甜蜜相處咗三十年，一齊體驗過生老病死同甜酸苦辣。 你地兩個甜蜜相處咗四十年，一齊睇住子女長大而家可以輕鬆享福。 你地兩個甜蜜相處咗五十年，一齊相愛逾半載，無任何嘢再可以分開你倆。 但無柰人都係會死，五十年感情令你日夜懷念過去嗰五十年。 每日都想佢復活重新，又或者每日都想日子快啲過去，快啲可以再一齊。 咁樣似乎仲辛苦過你同佢而家分手，對嗎？ 咁你咪就當佢琴日死咗囉。 無錯，你就係同佢「白頭到老」咗咁短嘅時間。 無論如何到最後最後最後都係要分開。 相處時間越長回憶越多心越痛。 你而家回過神嚟，發覺佢仲健在，你至少仲可以見到或者聽到佢。 好過佢死咗丫，係咪？ 咁樣幻想會唔會令你感覺好啲呢？ 我哋無嘢帶住嚟到呢個世界，走時亦無嘢可以帶走。 你倆本來就毫不相干，相處過已經係難得。 過去已成過去，